OM 60 ár

OPERATION MOBILISATION

– 60 ár síðan stovnan

Kristiliga tíðindatænastan

 v/Poul Jóhan Djurhuus

gjaranes@gmail.com

Kendi missiónsfelgasskapurin Operation Mobilsation, stytt OM, rundar tey 60 árini í ár. Felgasskapurin hevur verið kendur í Føroyum tey seinastu 55 árini, har hundradavís av føroyingum hava fingið sínar andaligu náðigávur royndar bæði á landi og á sjógvi.

Tað var fyri 60 árum síðani, í 1957, at stovnarin av OM, George Verwer, saman við øðrum, fór til Mexico at býta út kristiligan lesna og bíbliur. Hesin túrurin gjørdist íblásturin til tað, sum seinni kom at eita Operation Mobilisation, og sum hevur sent út trúboðarar í túsundatali um allan heim, bæði við akførum eftir øllum heimsins kontinentum, og við skipum á øllum heimsins høvum.

Í dag, 60 ár seinni, umfatar OM 3.400 fólk, frá meira enn 100 londum, sum virka í 115 londum. Í 2004 keypti OM gomlu Norrønu, sum kom at eita Logos Hope.

“JUBILEUMSÁTAK”

Júst á 60 ára jubileumsárinum økir Operation Mobilsation um sítt virkisøki, við at gera íløgu í ein áarbát, sum skal sigla eftir Europeisku áunum og kanalunum og náa tær mongu milliónirnar, sum búgva fram við Europeisku áarbakkunum – sera passandi, at hendan nýggja visiónin hjá OM skal føðast júst á 60 ára jubileumsárinum hjá Operation Mobilsation.

60 ára minningarhaldið varð hildið 10 juni í Forest Hill í London, har George Verwer og aðrir hildu takkarrøður. Síðani verður farið á eina takkarferð, har minnishald verður í fleiri býum: Í Týsklandi 1-2 juli. Í Belfast 23. september. Í Dublin, Írska republikkin, 21 – 22 oktober og í Birmingham, Ongland 05. oktober.

Mynd: George Verwer, grundleggjarin av OM, stendur her við einum Globus. Hann hevur altið brent fyri heimsmissión!

_________________________________________________________________________________________

Pjd, Glyvrar 16.07.2017 / FILE: Tíðindagreinar / DOCTITLE: OM 60 ár / MEDIA: Facebook Sandportal.fo – Kristin.fo