Upplýsingar

• Nær er TeenStreet 2021?

  Møta 4., fara 8. august

  Møta 4. august kl 19 í skúlanum á Argjahamri. Tit taka eina Corona quick test, bíða 15 min. so sleppa tit inn.

  Enda eftir morgunmat, og rudding, sunnudag 8. auguast.

• Hvar er TeenStreet 2021?

  Í Skúlanum á Argjahamri.

   

  Í 2022:

  Adressan á Messusentrinum er:

  Schutterwälder Str. 3, 77656 Offenburg, Germany

• Tilmelding og tilmeldingarfreist

  Tilmeldingin til TeenStreet 2021 endar 18. juli

  ————

  Seinasta freiðst at melda til í 2019 var:

  5. juni: Tannáringar

  5. juli: M&M og leiðarar

• Gjalding og ferðing

  Prísur 2021:

  Tannáringar: 1.300 kr (íroknað gisting, matur, ljóð og ljósúgerð í Ítróttarhøllini og í býnum, alskins TS-tilfað, bóklingur, t-shirt osv.)

  Vaksin/starvsfólk og leiðarar: 500 kr (dekkar matin)

  Børn: 300 kr

  ——

  Prísir Teenstreet 2019 vóru:

  Luttøkgjald:
  Tannáringar: 2.200 kr
  Vaksin: 1.265 kr
  Børn: 660 kr

  Flogfar og bussur:
  Báðar vegir 3.950 kr

  Bussur frá og til Billund (steðga verður ikki á vegnum!)
  Bussur Billund-Oldenburg-Billund: 910 kr (ikki íroknað flogferð)

  Afturat hesum kemur eitt gjald á 50 kr. til terminal.fo. Hetta er nýtt og vónandi einans í ár.

• Hvat skal eg hava klárt, tá er fari í gongd við tilmeldingina?

  Far inn á teenstreet.fo og melda til.

  ————-

  Í 2019, tá legan var í Týsklandi:

  Tá tú meldar til, hav so hetta hjá tær:

  –       Gjaldskort (Bæði luttøkugjaldið og ferðaseðilin skal gjaldast við endan av tilmeldingini)

  –       Pass (Bæði navn og nummar)

  –       Ferðatryggingarnummar

  –       Mynd til navnaskeltið (Hon skal vera GÓÐ og KLÁR, og vísa hvør tú ert og uttan sólbrillur ella líknandi. Hygg beint í kameraið)

  –       Navn á einum viðmælara (persóni í kirkjuni/samkomuni, har tú kemur).

• Hvat kostar tað, um eg avlýsi TeenStreet 2021?

  150 kr. Eftir 18. juli, fult gjald.

  ———

  Í 2019:

  Um tú avlýsir TeenStreet tilmeldingina verður ein partur av legugjaldinum og ferðagjaldinum afturhildið!

  Áðrenn 23. juni:
  Tú rindar 500 kr. av legugjaldinum og 500 kr. av ferðakkostnaðinum.

  Millum 23. juni og 12. juli:
  Tú rindar 650 kr. av legugjaldinum og 1000 kr av ferðakostnaðinum

  Aftaná 12. juli:
  Tú rindar fult legugjald og 3100 kr. av ferðakostnaðinum.

• Flogtíðir

  Ikki aktuelt í 2021!

  TeenStreet leiðuflogfarið 2020 var palnlagt soleiðis:

  Úr Vágum

  01. august: Vágar – Billund 03:00 – 05:50

  08. august: Billund – Vágar 01:15 – 02:15

  Beinleiðis busssamband til Oldenburg. Gott 5 tímar at koyra. Ferðaleiðarar eru við.

  Melda til í góðari tíð, tí flogfarið fyllist skjótt!

• Hvat skal eg hava við á TS?

  Ymiskt sum er umráðandi at hava við á TeenStreet á Argjahamri, 2021:

  Bíbliu – Gamla og nýggja testamenti.

  Luftmadrass max 200 x 90 cm og evt. lappiútgerð

  Pumpu til luftmadrassuna. (Tað er ikki neyðugt, at øll hava hvør sína pumpu við, so tað er gott um tit avtala okkurt við tey sum tit kenna)

  Løk ella undirlag at leggja undir luftmadrassuna – fyri at verja hana, so hon ikki blívur hol; gólvið er betong ella timbur

  Soviposa

  Oyraproppar

  Papír/blokk og penn

  Toilettasku

  Handklæði og evt. svimjiklæðir

  Uttanduraklæðir og heit klæðir

  Oyramikrofonir – smátalarar

  Oyraproppar

  RAG klæðir og skógvar – eisini um tit ynska at vera klædd í okkurt festligt…

  Tak egnan “powerbank” við. Á TeenStreet økinum eru nógvar stikkontaktir at løða powerbankan við

  Kanska inniskógvar, um tit ynskja tað – og ikki svartbotnaðir skógvar í høllini!

  Møguligar renniskógvar og klæðir

  Møguligt góðar skógvar at ganag niðan á Kongavarða við.

  Lummapengar ella gjaldskort – vit hava “banka” á økinum og okkara egna valuta.

   

   

  2022:

  Ymiskt sum er umráðandi at hava við á TeenStreet:

  Bíbliu – Gamla og nýggja testamenti.

  Pass – goym á tryggum stað!

  Luftmadrass max 200 x 90 cm og evt. lappiútgerð

  Pumpu til luftmadrassuna. (Tað er ikki neyðugt, at øll hava hvør sína pumpu við, so tað er gott um tit avtala okkurt við tey sum tit kenna)

  Løk ella undirlag at leggja undir luftmadrassuna – fyri at verja hana, so hon ikki blívur hol; gólvið er betong ella timbur

  Soviposa

  Papír/blokk og penn

  Toilettasku

  Sólkrem…:D

  Handklæði og evt. svimjiklæðir

  Uttanduraklæðir og heit klæðir

  Oyramikrofonir – smátalarar

  RAG stuðulspappír, klæðir og skógvar

  Tak egnan “powerbank” við. Á TeenStreet økinum eru nógvar stikkontaktir at løða powerbankan við

• RAG - stuðulsrenning

  Tað er ein stuðulsrenning á hvørjum ári á TeenStreet. Øll, sum luttaka á TeenStreet, bæði luttakarar, leiðarar og hjálparfólk, kunnu samla sær stuðlar heimanifrá, har til ber at stuðla við fastari upphædd ella oyrum pr. metur.

  Tað verður gjørt nógv burturúr hendan dagin á TeenStreet. Tað er sera festligt at vera við í renningini. Sjálvt um tú ikki orkar so væl at renna, so kanst tú ganga.

  Stuðulsrenningin verður í Tórshavn!

   

  Tíðindaskriv 22. juli 2021:

  RAG (Race and give) er tiltakið á TeenStreet, har vit savna pengar. Áðrenn og undir hvørjum TeenStreet,  savna vit pengar fyri at stuðla einum góðum endamáli, vanliga innan OM, sum hevur góða ávirkan á ungdóm í Evropa og kring heimin.

  Í ár verður RAG renningin leygardagin 7. aug. kl. 14-16, í miðbýnum í Havn. Rutan er frá trappuni í Vágsbotni og út á Reyn, niðan eftir Áarvegnum, eftir Vaglinum og oman eftir Sverrisgøtu og Tórsgøtu. Teinurin er 1km.

  Tað verður festligt
  Umframt renningina, verður ymsikt festligt á skránni, og vóna vit at nógv leita sær oman í býin at renna ella ganga, ella hyggja og heppa. Rennarar eru vælkomin at vera í festligum klæðum. Á trappuni spælur eitt orkestur og ein góður DJ diskar eisini upp við UPBEAT tónleiki og frásøgumaður heppar á rennararnar. Á Ebenezer trappuni verður eisini tónleikur at hoyra, so rennararnir fáa nógvan góðan og lættan tónleik á leiðini. Fyri áskoðararnar verður andlitsmáling til børnini, og møguleiki verður at keypa sær pylsur og vaflur. Sum nakað spennandi, so verður vatnkríggj, har áskoðarar kunnu hava vatnpistólir og sproyta eftir rennarunum.

  Umframt tey 300 frá TeenStreet leguni, eru onnur eisini vælkomin at renna. Rennifeløgini Bragdið og Hvirlan eru boðin at renna við.

  Leguluttakararnir finna stuðlar, sum kunnu tekna seg at stuðla – annaðhvørt, við at flyta eina fasta upphædd ella eina upphædd fyri hvørja rundu, ið runnin verður. Ein runda er uml. 1 km. long. Onnur, sum ynskja at stuðla, kunnu gera tað við flyta pengar á kto. . . .

  Kom tú og verð við og lita Havnina leygardagin 7 aug.kl.14-16

• Hvat er CLS?

  Verður dagført seinni…eitur tá KLS!

  Community Lifestyle Statement (CLS)
  Leiðreglur um, hvussu vit uppføra okkum

  TeenStreet er eitt samfelag við menniskjum frá nógvum ymiskum londum, mentanum og kirkjubakgrundum. Hetta merkir, at vit mugu vera umhugsin, so at vit kunnu vera saman í einleika. The Community Lifestyle Statement og klædnaleiðreglurnar hjálpa okkum við hesum.

  Okkara fyrsta ynski er at hava ein rættan hugburð: Vit ynskja at elska Gud av øllum hjarta okkara, av allari sál okkara, av øllum huga okkara og allari styrki okkara, og at elska næsta okkara sum okkum sjálv. (Markus 12: 30 – 31).

  Vit ynskja at njóta ymiskleikan í okkara lovprísan, hátti at vera, tosa, fólkasiði, mentan og tjóðskapi, meðan vit eru á TeenStreet. Dømið ikki, fyri at tit skulu ikki verða dømd!  (Matteus 7:1)

  Hesar eru leiðreglurnar, sum øll skriva undir uppá, sum eru á TS.  (CLS)

  TRYGDIN hjá tær og øðrum

  1. ÓLÓGLIGUR ATBURÐUR – Ólógligur atburður er sjálvandi ikki loyvdur á TeenStreet. Eg skilji, at leiðarar eru lógarbundnir at boða løgregluni frá lógarbrotum, har undir rúsevnisnýtslu ella tað, at hava rúsevni hjá sær, nýtslu av knívum, harðskapi, hóttanum, vandalismu, rasismu o.s.fr..

  2. RÚSDREKKA & TUBBAK – Meðan eg eri á TeenStreet, fari eg ikki at nýta rúsdrekka, hvørki á ella uttanfyri leguøkið. Á TeenStreet fari eg ikki at roykja tubbak ella nýta tubbak á nakran annan hátt, hvørki á ella uttanfyri leguøkið. (G.G. Í Týsklandi er tað ólógligt at nýta tubbak, um tú ert undir 18 ár.)

  3. BOÐ – Eg fari at fylgja boðum frá starvsfólki og leiðarum.

  4. AV ØKINUM – Eg skilji, at tannáringar einans mugu fara av økinum seinnapartar, mugu vera saman í bólki við trimum ella fleiri persónum og mugu vera aftur á økinum áðrenn kl. 18:00. Tannáringar skulu siga sínum leiðara frá, áðrenn teir fara av økinum.

  5. NAVNASKELTI – Eg fari altíð at hava mítt ID (armband og skelti) sjónliga uppi á mær á økinum, og tá eg komi til inngongdirnar.

  6. SOVISALUR – Eg skilji, at allir tannáringar og leiðarar mugu vera í sovisalinum kl. 22:30. Kl. 23:30 skal tað verða friður, og øll ljós verða sløkt. Dreingir hava ikki loyvi at koma inn har, sum gentur sova, og gentur hava ikki loyvi at koma inn har, sum dreingir sova.

  7. LUTIR & INNANDURA SPÆL – Eg fari ikki at standa á stólunum, tí hetta er bannað á økinum. Eg skilji, at rulluskoytur, skateboard o.t. einans eru loyvd á ávísum økjum, og at bóltspøl, frisbees og líknandi spøl einans eru loyvd uttandura

  KÆRLEIKI & VIRÐING fyri tær sjálvum og øðrum

  1. KÆRLEIKI & VIRÐING – Eg fari at vísa kærleika og virðing fyri øllum menniskjum á TeenStreet, uttan mun til teirra tjóðskap, samkomubakgrund, mál ella mentan

  2. MÁL – Eg fari ikki at banna ella nýta ljótan málburð á TeenStreet.

  3. TAK LUT  – Eg skilji, at aIlir tannáringar og leiðarar mugu taka lut í tiltøkunum, ið eru á dagligu skránni. Undantøk kunnu bert gerast, um hetta er av heilsuávum og skulu vera í samráð við Medical Team og People Team

  4. REGLAR SERVICE TEAM – Eg skilji, at fólk á Service Team kunnu verða uppi inntil kl. 01:00, og at tað skal verða friður í Service Team tjaldinum frá kl. 22:00 til kl. 06:30, av tí at fólk arbeiða hart og hava brúk fyri svøvni.

  5. VEKJARA – Eg skilji, at eg ikki havi loyvi til at fara upp ella seta vekjaran fyrr enn kl. 06:30, og at øll noyðast at vera uppi í seinasta lagi kl. 08:00.

  6. LUTIR HJÁ ØÐRUM – Eg fari ikki at læna, flyta ella nerta nakran lut hjá øðrum, uttan at eg havi fingið loyvi frá teimum.

  7. KLÆDNALEIÐREGLUR – Eg bindi meg til at fylgja TS klædnaleiðreglunum hesa vikuna

  8. MÁLTÍÐ – Eg fari at eta í minsta lagi eina máltíð um dagin.

  KLÆDNALEIÐREGLUR

  Á TeenStreet mugu vit vera varin og klæða okkum soleiðis, at vit ikki eru til ástoyt ella særa nakran.

  1. Lat klæðini heldur fjala ov nógv av kroppinum enn ov lítið.

  2. Øll skulu vera í toppi/blusu – eingir gjøgnumskygdir ella ov niðurringaðir toppar eru loyvdir. Dreingir skulu altíð vera ílatnir um yvirkroppin, eisini tá teir eru til ítrótt. Gentur skulu vera í BH ella líknandi.

  3. Ikki ganga í klæðum ella smykkum, ið hava óhóskandi mynd ella tekst

  4. Shorts skulu í minsta lagi koma niður á hálvt lær. Niðurdeilar/kjólar skulu vera longri, og í minsta lagi koma niður til beint yvir knæ. Um niðurdeilurin/ kjólin er styttri enn tað, ver so í leggings/súkklubuksum innanfyri.

  5. Nýt sømilig og ikki-gjøgnumskygd svimjiklæði, ið fjala privatu økini á kroppinum væl, og nýt tey bert við svimjiøki.

• Hjálparfólk á TeenStreet

  Tørvur er á nógvum hjálparfólki á TeenStreet.

  Hevur tú hug at hjálpa til?

  Tú ert vælkomin at seta teg í samband við okkum um tú ivast í nøkrum.

• Set-Up Week - Alt verður gjørt klárt. Ynskir tú at hjálpa til?

  Set-Up Week eru dagarnir frammanundan leguna, tá alt verður gjørt klárt.

  Meiri info um Set-Up Week kemur seinni.