Mirjam er farin við OM til Onglands

Mirjam Johansen fór síðsta fríggjadag úr Føroyum á veg til Onglands, har hon verður við OM á bíbliuskúla í 3 mánaðir. Bíbliuskúlaskeiðið sum Mirjam er partur av, eitur MDT UK: Urban Missions. MDT stendur fyri Missions Discipleship Training, og hesir mánaðirnir í Onglandi leggja dent á undirvísing og at gera næmingarnir klárar til missión.

Eftir tíðina á bíbliuskúla í Onglandi, fer Mirjam til Moldova á outreach í 3 mánaðir, har hon verður við í ymiskum arbeiði sum OM ger í Moldova.

Hóast ferðin til Onglands bleiv væl longur enn ætlað og viðførið ikki kom fram, so er Mirjam glað fyri at vera har.

Latið okkum biðja fyri Mirjam og MDT í Onglandi.

Biðið at Mirjam má vaksa og styrkjast í trúnni, at hon má verða avbjóðað í trúnni. Biðið eisini at hon má knýta sterk vinabond hesar tríggjar mánaðirnar í Onglandi. Og at Gud má vísa hvussu hann vil brúka Mirjam í Síni missión.

Trúboðin skrivaði eina grein um Mirjam, áðrenn hon fór avstað, tú kanst lesa greinina her.

Um tú vilt vita meiri um MDT í Onglandi, kanst tú lesa meiri her ella skriva til okkum á info.fo@om.org.