Upplýsingar

• Nær er TeenStreet 2026

  1. august til 7.august. 2026. kl. 23.30

  Møta á staðnum í Offenburg í seinasta lagi kl. 14.00, 1. august 2026

• Hvar er TeenStreet 2025

  TeenStreet Europe 2026 verður í Offenburg í Týsklandi:

  Messe Offenburg-Ortenau
  Schutterwälder Str. 3
  77656 Offenburg
  Germany

• Tilmelding og tilmeldingarfreist

  Vit boðað frá tá tilmeldingin til Teenstreet 2026 letur upp.

  Melda verður til leguna + ferðing. Tvs. tilmeldingin er í tveimum.

• Gjalding og ferðing 2025 - IKKI DAGFØRT

   

  Melda til her: https://teenstreet.life/eu/

  Luttøkgjald 2025 – Gisting og matur:
  Tannáringar: 325 evrur fram til 31. mars kl 23.00! Eftir tað 355 evrur
  Vaksin: 210 evrur
  Børn: 0-2 ár, 40 evrur. 3-12 ár, 80 evrur

  Meldið alla familjuna til í senn, so fáa tit systkinaavsláttur, um fleiri børn eru!

   

  2026: Vit hava fingið eitt leiguflogfar. Flogið verður til Strasbourgh. Nærri kunning kemur!

   

   

  T-blusur kosta: 19.95 og 25.95 evrur

   

   

  GISTING!!!!

  Sovið verður í høllum á leguni. Starvsfólk kunnu eisini biðja um básar (cubicle). Um sovið verður í høllinni er tað við í prísinum. Um tú biður um bás, kostar tað eyka.

  Kamping er ókeypis.

  Hotel:

  Hotellið, sum liggur beint við eitur Mercure Hotel am Messeplatz Offenburg

  Adressa: Schutterwaelder Strasse 1a, Offenburg, Baden-Württemberg, Tyskland

  Mann skal sjálvur bíleggja gjøgnum t.d. booking.com ella hotels.com – fyllist skjótt!

  Onnur hotel v.m. eru nærhendis:

  0,1 km til økið: Mercure Hotel am Messeplatz Offenburg * Schutterwälderstrasse 1a 77656 Offenburg E-Mail: H2906@accor.com

  1,3 km til økið: ibis Styles Offenburg City * Okenstrasse 15 17 77652 Offenburg https://all.accor.com/hotel/B546/index.de.shtml#origin=ibis

  0,7 km til økið: B&B Hotel Offenburg ** Freiburger Str. 43 77652 Offenburg www.hotel-bb.com/de/hotel/offenburg

• Hvat skal eg hava klárt, tá er fari í gongd við tilmeldingina?

  Tá tú meldar til, hav so hetta hjá tær:

  –       Gjaldskort (Bæði luttøkugjaldið og ferðaseðilin skal gjaldast við endan av tilmeldingini)

  –       Pass (Bæði navn og nummar)

  –       Ferðatryggingarnummar kann viðmerkjast. Tryggi tykkum at tit eru tryggjaði í Europa.
  Teenstreet tekur ikki ábyrgdina av møguligum útreiðslum í samband við manglandi ferðatrygging!

  –       Mynd til navnaskeltið (Hon skal vera GÓÐ og KLÁR, og vísa hvør tú ert og uttan sólbrillur ella líknandi. Hygg beint í kameraið)

  –       Navn á einum viðmælara (persóni í kirkjuni/samkomuni, har tú kemur).

• Hvat kostar tað, um eg avlýsi TeenStreet 2025? IKKI DAGFØRT FYRI 2026

  Um tú avlýsir TeenStreet tilmeldingina verður ein partur av legugjaldinum og ferðagjaldinum afturhildið!

  GG: Upphæddinar eru broyttar eitt sindur í mun til kvittanina fyri tilmelding, tí upphæddinar í kvittanini fyri tilmelding tíverri vóru ikki dagførdar fyri 2025.

  fram til 25. juni 2025:
  100% av legugjaldinum, tó 45 EURO avgreiðslugjald.

  26. juni til 16. juli 2025:

  50% av legugjaldinum.

  Eftir 17. juli 2025:

  Onki afturgjald.

  Ferðing:
  Um tú avlýsir flogfar og buss, sum tú hevur keypt, kostar tað 600 kr. fram til 18. mai 2025.

  Aftaná 18. mai verður ferðin ikki endurgoldin. OM hevur goldið ferðirnar og hongur uppá ferðaseðilin. Tað kostar tó 600 kr. at avlýsa.

• FLOGTÍÐIR, BUSSAR OG FERÐALEIÐARAR

  Nærri kunning kemur

   

• HVAT SKALT TÚ HAVA VIÐ

  Krossað av!

  • Ikki stórt kuffert max umleið 76 cm høgt.
  • Tak “TeenstreetEU” appina niður á telefonina
  • Pass – goym á tryggum stað
  • Bíbliu – Gamla og nýggja testamenti
  • Papír/blokk og penn
  • Tasku/kuffert við lás
  • Soviposa og kodda og luftmadrass ella undirlag. Minst til at hava tvey løk til luftmadrassuna. Eitt omanfyri og eitt niðanfyri, fyri at forða fyri at hol kemur á.
  • Toilettasku…shampo, sápa, deo, tannbust v.m.
  • Oyramikrofonir – smátalarar. Minst til, at alt verður umsettt il føroyskt. Best við smátalarum við leiðningin, tí teir eru verri at missa vekk.
  • Sólkrem, deo
  • Handklæði
  • Uttanduraklæðir, svimjiklæðir, løtt klæðir og okkurt heitt.
  • Ladara til telefonina. Tryggja tær at títt telefonhald er OK í Týsklandi.
  • Sólbrillur, keppar, hatt, sum verja móti sólini
  • Ítróttarklæðir og renniskógvar/gaggir.
  • RAG RACE! Minst til stuðulspappír, og góðar skógvar.
  • Matpakka til ferðina
  • Um tú tekur powerbank við, SKAL hann vera við hondviðførinum!!! Hetta fyri trygdina í flogfarinum.
  • ANSA EFTIR TÍNUM TINGUM – lás á kuffertið!

  GG: Á Teenstreet hava vit okkara egnu gjaldskipan. Tit kunnu fylla á her!

• RAG - stuðulsrenning 2025

  Tað er ein stuðulsrenning á hvørjum ári á TeenStreet. Øll, sum luttaka á TeenStreet, bæði luttakarar, leiðarar og hjálparfólk, kunnu samla sær stuðlar heimanifrá, har til ber at stuðla við fastari upphædd ella oyrum pr. metur.

  Tað verður gjørt nógv burturúr hendan dagin á TeenStreet. Tað er sera festligt at vera við í renningini. Sjálvt um tú ikki orkar so væl at renna, so kanst tú ganga.

   

  RAG stuðulin í ár (2025) fer til:

  ·New Life House, sum hjálpir fólki burtur úr rúsevnismisnýtslu
  ·OM Albanina, sum millumannað arbeiðir við at
  ogera eitt bókasavn í lítlari bygd.
  oførleikamenna OM ungdómstænastuna í fjarskotnari bygd, har ensktundirvísing verður brúkt sum brúgv til at hava bíbliubólkar
  ostuðla verandi bíbliubólkum at hava tað stuttligt og at vera djørv, tá tey boða evangeliið á teirra útferðum
  ·At stuðla tannáringum kring heimin, so nýggj TeenStreet kunnu byrja aðrastaðni í heiminum
  ·At stuðla TeenStreet Føroyum

   

  SKRÀSET HER

• KLS

  Kingdom Lifestyle Statement (KLS)
  Leiðreglur um, hvussu vit uppføra okkum

  TeenStreet er eitt samfelag við menniskjum frá nógvum ymiskum londum, mentanum og kirkjubakgrundum. Hetta merkir, at vit mugu vera umhugsin, so at vit kunnu vera saman í einleika. The Kingdom Lifestyle Statement og klædnaleiðreglurnar hjálpa okkum við hesum.

  Okkara fyrsta ynski er at hava ein rættan hugburð: Vit ynskja at elska Gud av øllum hjarta okkara, av allari sál okkara, av øllum huga okkara og allari styrki okkara, og at elska næsta okkara sum okkum sjálv. (Markus 12: 30 – 31).

  Vit ynskja at njóta ymiskleikan í okkara lovprísan, hátti at vera, tosa, fólkasiði, mentan og tjóðskapi, meðan vit eru á TeenStreet. Dømið ikki, fyri at tit skulu ikki verða dømd!  (Matteus 7:1)

  Hesar eru leiðreglurnar, sum øll skriva undir uppá, sum eru á TS.  (CLS)

  TRYGDIN hjá tær og øðrum

  1. ÓLÓGLIGUR ATBURÐUR – Ólógligur atburður er sjálvandi ikki loyvdur á TeenStreet. Eg skilji, at leiðarar eru lógarbundnir at boða løgregluni frá lógarbrotum, har undir rúsevnisnýtslu ella tað, at hava rúsevni hjá sær, nýtslu av knívum, harðskapi, hóttanum, vandalismu, rasismu o.s.fr..

  2. RÚSDREKKA, SNÚS & TUBBAK – Meðan eg eri á TeenStreet, fari eg ikki at nýta rúsdrekka, hvørki á ella uttanfyri leguøkið. Á TeenStreet fari eg ikki at roykja tubbak ella nýta tubbak á nakran annan hátt, hvørki á ella uttanfyri leguøkið. (G.G. Í Týsklandi er tað ólógligt at nýta tubbak, um tú ert undir 18 ár.)

  3. BOÐ – Eg fari at fylgja boðum frá starvsfólki og leiðarum.

  4. AV ØKINUM – Eg skilji, at tannáringar einans mugu fara av økinum seinnapartar, mugu vera saman í bólki við trimum ella fleiri persónum og mugu vera aftur á økinum áðrenn kl. 18:00. Tannáringar skulu siga sínum leiðara frá, áðrenn teir fara av økinum.

  5. NAVNASKELTI – Eg fari altíð at hava mítt ID (armband og skelti) sjónliga uppi á mær á økinum, og tá eg komi til inngongdirnar.

  6. SOVISALUR – Eg skilji, at allir tannáringar og leiðarar mugu vera í sovisalinum kl. 22:30. Kl. 23:30 skal tað verða friður, og øll ljós verða sløkt. Dreingir hava ikki loyvi at koma inn har, sum gentur sova, og gentur hava ikki loyvi at koma inn har, sum dreingir sova.

  7. LUTIR & INNANDURA SPÆL – Eg fari ikki at standa á stólunum, tí hetta er bannað á økinum. Eg skilji, at rulluskoytur, skateboard o.t. einans eru loyvd á ávísum økjum, og at bóltspøl, frisbees og líknandi spøl einans eru loyvd uttandura

  KÆRLEIKI & VIRÐING fyri tær sjálvum og øðrum

  1. KÆRLEIKI & VIRÐING – Eg fari at vísa kærleika og virðing fyri øllum menniskjum á TeenStreet, uttan mun til teirra tjóðskap, samkomubakgrund, mál ella mentan

  2. MÁL – Eg fari ikki at banna ella nýta ljótan málburð á TeenStreet.

  3. TAK LUT  – Eg skilji, at aIlir tannáringar og leiðarar mugu taka lut í tiltøkunum, ið eru á dagligu skránni. Undantøk kunnu bert gerast, um hetta er av heilsuávum og skulu vera í samráð við Medical Team og People Team

  4. REGLAR SERVICE TEAM – Eg skilji, at fólk á Service Team kunnu verða uppi inntil kl. 01:00, og at tað skal verða friður frá kl. 22:00 til kl. 06:30, av tí at fólk arbeiða hart og hava brúk fyri svøvni.

  5. VEKJARA – Eg skilji, at eg ikki havi loyvi til at fara upp ella seta vekjaran fyrr enn kl. 06:30, og at øll noyðast at vera uppi í seinasta lagi kl. 08:00.

  6. LUTIR HJÁ ØÐRUM – Eg fari ikki at læna, flyta ella nerta nakran lut hjá øðrum, uttan at eg havi fingið loyvi frá teimum.

  7. KLÆDNALEIÐREGLUR – Eg bindi meg til at fylgja TS klædnaleiðreglunum hesa vikuna

  8. MÁLTÍÐ – Eg fari at eta í minsta lagi eina máltíð um dagin.

  KLÆDNALEIÐREGLUR

  Á TeenStreet mugu vit vera varin og klæða okkum soleiðis, at vit ikki eru til ástoyt ella særa nakran.

  1. Lat klæðini heldur fjala ov nógv av kroppinum enn ov lítið.

  2. Øll skulu vera í toppi/blusu – eingir gjøgnumskygdir ella ov niðurringaðir toppar eru loyvdir. Dreingir skulu altíð vera ílatnir um yvirkroppin, eisini tá teir eru til ítrótt. Gentur skulu vera í BH ella líknandi.

  3. Ikki ganga í klæðum ella smykkum, ið hava óhóskandi mynd ella tekst

  4. Nýt sømilig og ikki-gjøgnumskygd svimjiklæði, ið fjala privatu økini á kroppinum væl, og nýt tey bert við svimjiøki.

• Hjálparfólk á TeenStreet

  Tørvur er á nógvum hjálparfólki á TeenStreet.

  Hevur tú hug at hjálpa til?

  Tú ert vælkomin at seta teg í samband við okkum um tú ivast í nøkrum.

   

  Hvør ger hvat

   

  •Tannáringar
  •Leiðarar (Small group leader)
  •Workshop/seminar
  •Bønartoymið
  •Mobilisation
  •Ráðgevingartoymið
  •M&M
  •HO Reps
  •Kids’ Street
  •Clean Street
  •Køkur
  •Uppvask
  •Fun food – kiosk
  •Staff Café
  •Sports team
  •Security/Main Hall
  •Art zone
  •Miðla toymið
  •Osv…. J
  •

• Set-Up Week - Alt verður gjørt klárt. Ynskir tú at hjálpa til?

  Set-Up Week verður í ár. Brúk er fyri hjálp!